Nagcool down na sa subong ang training sang mga athletes sang rehiyon dose para sa Palarong Pambansa , suno kay Department of Education Sports Coordinator Magdaleno Dohilag.
Samtang sa Huwebes tubtob Biyernes Santo indi na pagpapulion ang mga athletes tungod may spiritual activity man ang pamunuan nga ipatigayon. Apang sa mga magpauli maglisensya lang kag dapat ang mga ginikanan gid sini ang magsugat.
Ginpahayag man ni Sir Dohilag sa Abril 20 ipatuman man nila ang open house bag-o maglarga sa Easter Sunday sa Davao City.
Ginkumpirmar man sini nga wala man sang reklamo nga nasang-at sa ila sa nagapadayon nga training sang mga athletes sa bahin sang General Santos City magluwas lamang sa swimming nga ang mga athletes sang South Cotabato sa Sports complex sila nagatraining.
Magaumpisa naman ang Palarong Pambansa sa Abril 27 sa bahin sang Davao City.
