BACOLOD CITY Isa ka truck driver nabiktima sang duha ka mga babayi nga nagasakay sa motorsiklo, wallet sang lalaki ila ginkuha sini gid lamang nga kaagahon sa Circumferential Road, Brgy. Villamonte Bacolod City.
Nakilala ang biktima nga si Rodolfo Frayco, 69 anyos, residente sang Brgy. Ilijan, Bago City, driver sang isa ka cargo truck.
Suno sa biktima nga may mga las 12 kaina sang kaagahon, iya ginpark sa kilid sang dalan sa atubang sang isa ka convenience store sa Circumferential Road ang iya truck.
Samtang naga-pundo, suno sa driver may nagpalapit sa iya nga 2 ka mga babayi nga nagasakay sa motorsiklo, gin-ulu istorya ini kag ginkuha ang iya wallet.
Pahayag sang biktima nga iya pa ginlagas ang mga suspek apang wala gid niya ini nakita gani nagpadulong na lamang ini sa Police Station 4 agud magpa record./DYHB NEWSROOM
