SAGAY CITY, NEGROS OCCIDENTAL – Isa ka iloy ang napatay isa man ang napilasan sang nabungguan sang truck ang ila ginasakyan nga traysikol kahapon sang hapon sa ciudad sang Sagay.
Nakilala ang biktima nga napatay nga amo si Josephine Gayola, 42 anyos ang edad, pumuluyo sang Brgy. Bandila, banwa sang Toboso.
Samtang, ang nasamaran naman amo ang isa pa gid ka pasahero nga nakilala aman kay Mila Casova, 50 anyos ang edad, pumuluyo man sang amo nga lugar.
Suno sa imbestigasyon sang Sagay City Police Station, pasado la una kahapon sang hapon sa atubangan sang isa ka eskwelahan sa Sagay City, nabungguan sang truck ang traysikol nga ginasakyan sang mga biktima.
Ginpahayag nga bangud sang tuman nga impact, nag-angkon sang head injury ukon pilas sa ulo si Josephine rason nga ini ang gindeklarar dead on arrival sa Corazon Locsin Montelibano Memorial Regional Hospital.
Samtang ang samaron naman nga si Mila ang nag-angkon sang fracture sa iya wala nga tiil kag kamot./dyHB BACOLOD
