Davao City- Gikumpirma sa usa ka transport group dinhi sa syudad sa Dabaw nga pagasalmutan sa mga nila kauban ang Public Utiliuty Jeepney kun PUJ drivers ang nationwide transport strike nga gikatakda sunod semana diin subay gihapon kini sa pagpasibaw sa ilang mga mulo kabahin sa programa sa gobyerno nga jeepney modernization program.
Sumala ni Rick Baron, tigpamaba sa grupong Transmision-Piston XI atol sa interview sa DXDC RMN Davao) nga gipangandaman na nila ang maong protesta karong umaabot nga October 16- Oktober 17.
Dugang ni Baron, 90 ngadto sa 99 porsiento ang target nila nga ma-paralyze ang traffic sa syudad samtang padayon silang nagapahigayon og diskusyon ug pagpahibalo ngadto sa mga katawhang dabawenyo, trabahante ug mga estudyante nga maapektuhan sa maong strike aron mapasabaot kanila nganong kinahanglan kini buhaton diin matud pa dili lang kini alang sa mga operators ug drivers sa jeep apan lakip na usab sa publiko.
Gani gikatakda ang usa ka press conference sa Tranmission-Piston karong October 13 alang sa dugang impormasyon sa ipahigayong nationwide transport strike sunod semana.
RadyoMan Renz Barbarona
