Bag-ong election code angayan

24

Giduso karon ni outgoing COMELEC chair Andres Bautista nga gumikan sa bag-ong mga impluwensiya sa katilingban diha sa atong eleksyon, mas maayong mapanday ang bag-ong kodigo kalabot sa bugnong lugaynon.

Sa media forum kalabot sa iyang impending resignation, giklaro ni Bautista nga ang Batas Pambansa Bilang 881 kun Omnibus Election Code iya pa sa karaang panahon ni former Pres. Ferdinand Marcos.

Ang pag-entra sa teknolohiya sama sa internet angay mahisukip dinha sa usa ka proposed ‘Revised Omnibus Election Code’ alang sa mas upgraded nga pagpadagan sa atong electoral exercises.

Usab namatikdan nga adunay mga areas of concern nga angay mahatagan ug rebisyon mao ang isyung campaign finance regulation.

Gipadangat na ni Bautista ngadto kang Pres. Rodrigo Duterte ang resignation letter apan wala pay opisyal nga reaksyon ang palasyo.

Dugang sa tali-hawa na nga hepe sa komisyon nga mas makaayo sa iyang successor kun kinsa man ugaling ang matudlo sa pamuno-nasud nga batonan ang mga hiyas nga ‘patience and perseverance’ kun pailub ug pagkamalahutayon.

Sa pikas bahin, gikalipay sa kampo sa iyang kanhi asawa nga si Patricia nga ‘unexpected but welcome development’ ang pagkanaug sa iyang lingkuranan ni Bautista.

Segun kang Atty. Lorna Kapunan, legal counsel ni Patricia nga nagpasabot kini nga mamahimo na siyang ikiha ug ‘plunder’ human ang tuig 2017.
e
Gipikhan usab ni Kapunan ang rason ni Bautista nga mga anak sa naulahi ang hinungdan sa iyang pagluwat.

RadyoMan June Duterte

Facebook Comments