NEGROS OCCIDENTAL – Ginagamit nga transhipment point sang illegal nga druga ang probinsya sang Negros Occidental wala labot pa nga madamo man ang naga-usar sang shabu sa probinsya.
Ini ang ginpahayag ni NOPPO Deputy Provincial Director for Operations, P/Supt. Glenn Provido.
Suno sa iya nga gina-gamit sang mga iligalista nga alagyan ang Negros sa pagdeliver sang ila supply nga shabu padulong sa nagkalain lain nga destinasyon sini.
Pahayag pa ni Provido nga ang supply sang shabu ang naghalin sa Metro Manila subong man sa iban pa gid nga bahin sang Visayas kag Mindanao region.
Sa pihak nga bahin, nagdangat naman sa kapin 3.33 ka kilos na sang shabu ang natigayon nga ma-recover sang pulis sa sa Negros Occidental humalin sang ginpatuman ang Oplan Tokhang sang PNP.
Suno kay Negros Occidental Police Provincial Office, Deputy Provincial Director for Operations P/Supt. Glenn Provido nga ini ang naghalin sa mga suspek nga na buy-bust sang pulis gikan sa nagkalain lain nga bahin sang probinsya.
Angut naman sa liwat nga pagpatuman sang amo nga operasyon ukon ang Oplan Tokhang reloaded naglab-ot naman sa 1,200 ang nag-sungka.
Samtang, may yara naman sang kabug-usan nga 693 ka mga tawo ang yara sa drug watchlist kag kapin 1,100 ang ginpaidalum na sa rehabilitation./dyHB BACOLOD
