Miarangakada sugod alas singko kaganina ang transport strike sa Butuan ug Caraga Region nga gipangunahan sa grupong Pagkakaisa ng Samahan ng mga Tsuper at Operator Nationwide (PISTON).
Gibutyag ni Ruel Duyag, Coordinator sa PISTON Citywide Chapter sa Butuan, ang Public Utility Vehicle (PUV) modernization program usa ka matang sa pagmonopolize sa tibook transport system gikan sa pinakagamay nga mode sa transportasyon paingon sa pinakadako.
Para nila ang maong programa usa ka pagpatay sa panginabuhian sa gagmayng mga operator gumikan kay kadto lamang adunay napulo ka unit ang mahimong makakuha ug franchise basi sa usa ka provinsion sa Omnibus franchising guidelines.
Niya pa dili mosupak ang ilang grupo sa modernisasyon basta ang makapahimulos ang mga gagmayng operator ug driver.
Madumduman nga niadtong nakalabyang semana usa ka tigum ang nahitabo ug una nang mipadayag ang pipila ka grupo sa transportasyon dire sa Butuan ug Caraga sa pagbabag sa proyektong modernization sa DOTr diin i-phase out ang mga daang pampublikong sakyanan.
