Malinawon ang gipahigayong prusisyon kagahapong adlawa sa Itom nga Nazareno atol sa kapistahan niini ning dakbayan.
Kini ang gipahibalo ni Cagayan de Oro City Police Office kon COCPO spokesperson Chief Insp. Mardy Hortillosa kinsa miingon, nga gumikan na usab kini sa gipakitang kooperasyon sa katawhan sa syudad.
Hinuon, giangkon niini nga adunay pipila nga sa gihapon wala mituman sa ilang mga patakaran ilabina kadtong mga gidili panahon sa prusisyon.
Samtang miabot sa 200 mil ka mga tawo ang mitambong sa gipahigayong prusisyon sa Itom nga Nazarenbo kagahapon dinhi sa dakbayan.
Matud ni Hortillosa nga kini basi sa assestment nga gihimo sa ilang mga commanders sa ground atol sa maong kalihokan.
Gani apil pa ang ilang mga personahe sa PNP-10 ang mihimo sa pag-assest, hinungdan nga ilang nakuha ang maong ihap.
Tungod sa malinawong kasaulogan ug prusisyon, gipasalamatan ni spokesperson Hortillosa ang tanang personahe sa tanang sector ning bakbayan, nga miabag ug mitabang aron nga magmalampuson ang ilang gihimong pagbantay ug pagmonitor alang sa seguridad sa katawhan ning syudad.
By: RadyoMaN Ellah Baculio and RadyoMaN Annaliza Amontos-Reyes
PC: PRO 10
