Gikadismaya si Mayor Oscar Moreno ang travel advisory nga gipagawas sa Northern Mindanao Medical Center nga nagpugong sa ilang mga health workers nga dili mobisita sa mga lugar sa Region 10 ug Cagayan de Oro nga high risk sa Corona Virus Disease 2019 o COVID-19.
Matud ni Mayor Moreno nga tabla ra nga gikondinar sa NMMC ang mga lugar sama sa Iligan City, Lanao del Norte, Balingasag, Misamis Oriental, Quezon, Maramag ug Valencia City sa Bukidnon nga ilang gi-ila nga high risk sa Covid-19.
Base sa travel Advisory sa NMMC, ila usab nga gi-ila nga high risk sa Covid-19 ang mga lugar sa Cagayan de Oro sama sa Barangay Gusa, Dabati-an, Ilaya, Macanhan, Carmen Pinikitan sa Camaman-an, Kauswagan, Barra, Opol, Indahag, Puntod, Cugman, Babayas ug uban pang mga barangay.
Matud sa Mayor nga kon duna may ingon niini nga travel advisory sa NMMC, mas maayo pag ila nalang mga health workers ang ilang gipahibalo kaysa ilang i-publish sa social media.
