Dako ang pagpasalamat og dili makatuo si Manong Fernando Comaling, singkwentay-dos (52) anyos, traysikad driver taga-Barangay Bagacay, Alabel Sarangani Province, nga matagaan pag pasidungog sa Kapitolyo sa Sarangani ang gibuhat niini nga pag-uli sa gamit sa pasahero.
Sa flag raising ceremony sa Kapitolyo niaging Lunes, tumang kalipay ni Comaling tungod kay gawas nga gitagaan kinig certificate of appreciation ni Governor Steve Chiongbian Solon kauban sila Provincial Administrator Mariter Sayson, HRMO Head Sittiehawa Marohomsalic og Provincial Administrator for Operation Engineer Gerald Faciol, natagaan pa kinig pahalipay nga cash gikan sa Gobernador.
Bisan nga mas dako pa ang cash-pahalipay nga gihatag kaniya kaysa sa unod sa pitaka nga iyang nakita sulod sa iyang traysikad inubanan sa mga pirtininting papeles sa taga-Alabel, ang buot ipaabot nga mensahe ni Governor Solon mao nga magamay man o madako ang makit-ang gamit, ang importante nga honest og ligdong sa matag adlaw nga panginabuhi kay ang Ginoo na ang bahalang mubalos.
May hatagunon matud pa syang allowance ngadto sa iyang nag-eskwelang anak atong tungura apan wala kini matintal, inay iyang giuli ang paper bag tungod kay gikinahanglan matud pa kini sa tag-iya. Sa kasamtangan, gikalingawan ni Comaling ang pagka-construction worker para tugbangan ang iyang pangita sa pagpamasada.
