BACOLOD CITY – Padayon karon nga ginabulong sa ospital ang isa ka traysikol driver kag ang iya pasahero matapos nabungguan ang ila ginasakyan sang isa ka pick-up kahapon sang kaagahon sa dalan Mabini-Rizal, ciudad sang Bacolod.
Ginkilala ang driver sang pick-up nga nakabunggo nga amo si Marlone Cantero 31 anyos ang edad, tumandok sang Iloilo, samtang, ginahibalo pa ang driver kag pasahero sang traysikol.
Suno kay Cantero, ang insidente natabo may mga las 5:45 sang kaagahon kon diin ini siya ang buot na kuntani nga magpadulong sa Bredco Port agud nga may kuhaon dala ang service pick-upo sang kompaniya nga iya gina-obrahan.
Apang sa pag-abot sa area sang Mabini Rizal, nag cross ang traysikol kon diin gintinguhaan pa niya nga likawan ini apang iya gid nadalasa ang traysikol.
Nag-angkon sang pilas sa ulo ang driver sang traysikol kag padayon ini karon ginabulong sa Corazon Locsin Montelibano Memorial Regional Hospital./dyHB BACOLOD
