Pito ka mga tawo ang nagkalasamaran sang aksidente nga nahulog sa kampo nga nagadalum sang walo ka tapak ang isa ka traysikol pasado las 2 sini gid lamang nga hapon sa Brgy. Gargato, banwa sang Hinigaran.
Suno sa mga naka-kita ang traysikol ang nagadalagan halin sa north padulong sa south nga direksyon kon diin ini ang nag-awas sa dalan kag nakabunggo sa pika-pika nga amo naman ang ginkabangdan sang pagkahulog sang traysikol kag paglabog sang mga pasahero.
Pahayag sang mga witness nga ang mga biktima nga sakay sang traysikol ang buot kuntani magpadulong sa public plaza sang Hinigaran agud nga mag-dekorar ukon magbutang sang Christmas decors sa plaza.
Dali dali nga gindala sa bululngan ang mga biktima nga wala pa makilala kag padayon karon nga ginabulong.
[image: image.png]
