TREÑAS FOR MAYOR | Mayoridad sang mga lideres sang barangay sa syudad sang Iloilo luyag nga magdalagan si Cong. JerryTreñas sa pagka-alkalde sa palaabotun nga eleksyon.

Luyag sang mga Barangay Kapitan sang 180 ka Barangay sa syudad sang Iloilo nga liwat magdalagan si Iloilo City Lone district Congressman Jerry Treñas sa pagka-Mayor.

Ini ang nangin resulta sang ginpatawag nga konsultasyon ni Treñas sa mga lideres kahapon nga adlaw.

Ginklaro naman ni Cong. Treñas nga konsultasyon lang ang natabo kahapon kag indi deklarasyun. Dugang pa sini nga magapatigayun pa siya sang kasubong man nga konsultasyon sa iban pa nga sektor sa syudad bag-o sang pormal niya nga pag-deklarar.

Nahibalu-an nga nagtambong ang mga Punong Barangay nga nagaduso naman sa pagdalagan ni Treñas bilang alkalde kag si Mayor Joe Espinosa III naman para Congressman sang syudad.