Treñas: Kon mag-ulikid ka, ulikid ka sa tanan!

146

ILOILO City – Halangpon ang nangin pahayag ni Congressman Jerry Treñas sa interview sang RMN Iloilo angot sa mga programa ni Mayor Jose Espinosa III.

Suno kay Treñas naluoy siya sa mga tawo nga na-apektuhan sang 3 P’s ni Mayor Jose Espinosa III.

Ang 3 P’s nga gintumod ni Treñas amo ang pangkakas, pangkuga kag pang-ipit.

Idugang pa diri suno kay Treñas ang pag-ulikid program ni Espinosa nga daw may pinilian bangod kada Sabado lang. Ang pag-ulikid suno kay Treñas dapat adlaw-adlaw.

“Kon mag-ulikid ka, ulikid ka sa tanan. Dapat wala sang pili,” ang pahayag ni Treñas sa RMN Iloilo.

May palabtik pa si Treñas nga ginboto siya sang tawo bilang congressman.

“Congressman ko ya nga ginboto sang tawo. Congressman ako sang Iloilo.Congressman nga ginboto.”

Nahibaluan nga pagkatapos sang suspension ni anay Mayor Jed Patrick Mabilog, nagtal-os si sadto Vice Mayor Jose Espinosa III bilang alkalde sang syudad.

May dugang pa nga pahayag ni Congressman Jerry Treñas.

“Wala ko ya nagapamilit, indi pareho sa iban.”

Photo via PN

Facebook Comments