Gipahimutang na karon sa Bonbon National High School ang mga biktima sa sunog kagahapon sa hapon sa Zone-6, Brgy. Bonbon ning syudad, kinsa walay masilongan human nga naugdaw ang ilang mga pinuy-anan.
Kini ang gipahibalo ni Brgy. Bonbon Kag. Oliver Basco, kinsa usa sa miatiman sa mga biktimang nasunogan kauban ang ubang mga opisyal ug Tanod sa barangay.
Gibutyag ni Kag. Basco nga siguradong moigo ang desi sais ka pamilya gikan sa trese ka balay nga nasunog, tungod kay tulo ka building ug duha ka andana ang gibutangan kanila sa maong tunghaan.
Dugang pa niini nga ang maong ihap basi sa iyang nakuhang listahan gikan sa ilang Barangay Health Worker kon B-H-W.
Hinuon, wala pa maklaro ni Kag. Baslot kon pila gayod ka indibidwal ang anaa karon sa evacuation center, nga ila usab nga pagahatagan sa hinabang gikan sa panudlanan sa barangay ug tabang sa syudad.
By; Radyoman Aiza Enloran and Ellah Baculio
