Davao City – Mingrekalamo sa buhatan sa kapolisan sa Tugbok ang usa ka tricycle driver nga si Rafael Gabin Cator, 25 anyos nga taga Km. 13 Catalunan Pequeño human gipugos og labni ang iyang kita sa usa ka babayi.
Ang suspek giila nga mao si Ailyn Remolta, 44 anyos residente sa Elenita Heights Subdivision sa Catalunan Grande ning siyudad sa Davao.
Sumala sa report, bandang alas 7:40 sa kagabhion samtang nag torno ang maong trisikad driver sa may Uraya Mintal kalit miabot si Remolta ug naningil sa utang ni Cator apan girason sa maong driver nga nauli na ang iyang kwarta ug nihangyo nga dili una makabayad tungod sa ka menos sa pamasada.
Apan wala mituo ang respodent sa drayber hinundgan nga gipugos pagkuha ang buyot sa iyang bulsa.
Sa mao nga hitabo dali midangop sa Tugbok ang maong driver sa kapulisan ug buot niya pasakahan og kaso ang respondent apan gihusay usa kini sa barangay level.
RadyoMaN Paul Canono
