BACOLOD CITY – Wala sang kaluoy nga ginkuha ang P200 pesos nga koleksyon sang tricycle driver matapos ini ginhold-up sang duha ka suspek kaina sang kaagahon sa Celine Homes, Brgy. Estefania, Bacolod City.
Ang biktima ginkilala kay Joemar Salazar, 35 anyos ang edad, pumuluyo sang Purok Sabis, Brgy. Villamonte, Bacolod City.
Sa iya pagpa-blotter sa Police Station 5, ginpahayag ni Salazar nga pasado las 2 kaina sang kaagahon may duha ka lalaki nga nagsakay sa iya sa area sang Celine Homes.
Apang nakibot na lamang siya sang ini ang gintayaan sang isa ka .38 kalibre nga armas kag isa ka kutsilyo.
Gilayon man nga gin-agaw sang mga wala nakilala nga suspek ang wallet sang driver nga naga-unod gid lamang sang ahaw-ahaw nga P200 pesos.
Sa interview sang dyHb kay Joemar iya ginpabutyag nga kon makita nya liwat makilala niya ang isa ilabi na ang niwangon nga hayag ang itsura./
