Pagadian City – Aron sa pagsiguro nga mamatay ang target niadtong riding-in-tandem, ang lima ka bala sa gituohang kalibre 45 nga armas maoy gihurot og tira ngadto sa 45 anyos tricycle driver.
Naukay ang mga tawo sa Rizal Avenue, Brgy. San Frnacisco partikyular sa Ukay-Ukayan o sapatusan alas 9:30 kagabii dihang kalit lang nga nakit-ang nag-akbo sa gimaneho nga unit si Ramon Tilao Pic-Pic, residente sa Purok Bakhaw, Brgy. Kawit ning syudad.
Base sa inisyal nga inpormasyon sa Pagadian City Police Office nga ang duha ka mga mamumuno luwan sa motorsiklo ang nagsunod sa biktima. Sa walay pagpanagana mibunot sa iyang armas ang angkas sa motorsiklo dayon pusil ngadto sa biktima samtang nagmaneho sa iyang traysikol.
Natusak sa mga bala ang lawas ni Pic-Pic nga maoy hinungdan sa iyang hinanaling kamatayon diin ang kapulisan nakahipos og lima ka empty shells ug slug sa crime scene.
