General Santos City–Giandam na matud pa sa Police Station 3 ang kasong pag supak sa RA 9165, Sec 5, sa art II kon pagpamaligya ug iligal nga droga batok sa usa ka Aripen Balading, 23 anyos nga nanimuyo sa Prk. 4, Barangay Buayan ning syudad human nga nakuhaan ug methamphetamine hydrochloride kon mas naila nga shabu.
Sumala pa ni Police Lieutenant Felix Minion II, I ang Deputy Chief Of Police Sa Police Station 3 ang nasangpit nga suspect ang anaa matud pa sa ilahang watch list nga lambigit sa pagpamaligya ug iligal nga droga.
Apan dili matud pa kini basta-basta muhatag sa mga dili niini kaila ug idlas matud pa kaayu, pipila pa ka oras ang gipaabot sa kapulisan ayha na kombinse ang suspect nga baligyaan kini ug iligal nga droga.(Dave Silagan)
