Geneal santos City–Malampusong nasikop sa mga personahe sa City Police Drug Enforcement Unit kon CPDEU ang usa ka tricycle driver nga si Francis Glenn Elmido alyas Kaba, 40 anyos, ug nanimuyo sa Purok San Vicente, Barangay Dadiangas West ning syudad human nga napalitan kini ug shabu sa gipahigayong buy-bust operation sa kapulisan.
Sumala pa nga alas 12:15 ang takna sa kaadlawon gikasa sa CPDEU ang maong buy-bust operation diin nakigtransaksyon matud pa ang suspect sa mga pulis ug napalitan kini ug usa ka sachet sa gikatahapang shabu ingon man nakuha usab sa iyahang posisyon ang lain pang duha ka mga sachet ug ang 500 pesos nga mark money.
Sa kasamtangan nagtingkagol ang nasangpit nga suspect sa selda sa Police Station 1 samtang giandam na sa kapulisan ang kasong pagsupak sa RA 9165 (Comprehensive Dangerous Drugs Act of 2002). (Dave Silagan)
