Davao City – Natapos na ang hearing karong adlawa sa Davao City Prosecutor’s Office kalabot sa gipetisyon nga Hold Departure Order sa Department of Justice batok kang Senador Antonio Trillanes IV kinsa adunay mga kasong sedition ug libel.
Sa interbyu sa RMN Davao kang Atty. Rainier Madrid ang abogado ni kanhi Vice Mayor Paolo “Pulong” Duterte nga paabuton nalang ang mamahimong resolution sa husgado kalabot niini.
“Kasi aalis siya (Trillanes) ng December 11 so humihingi tayo ng HDO para ma-prevent iyong pag-alis or issuance of the warrant,” sumala ni Madrid.
Matud niini nga aduna pay laing scheduled hearing karong Martes, Disyembre 11.
Gikatakdang mulupad si Trillanes ngadto sa The Netherlands, Spain ug United Kingdom karong Disyembre 11, 2018 hangtod Enero 12, 2019 ug sa Amerika karong Enero 27 hangtod Pebrero 10, 2019 para sa nagkadaiyang mga aktibidad.
“Irrelevant ang intent to return kasi the moment na lumabas siya ng jurisdiction ng Pilipinas flight na kaagad iyon,” sumala sa abogado.
Suportado usab sa abogado ang motion sa DOJ para sa pag-isyu og HDO kontra sa senador.
“Kailangan talaga because batas na iyan, proseso iyan eh. Iyon lang naman ang ina-ano namin what is allowed by the law, what the law says,” segun ni Madrid.
RadyoMaN Aimee Guinita
