ANG sinugdanan sa autopsy gikan sa pulong nga Greek autopsia, nagpasabot nga “seeing with one’s own eyes”, pagtan-aw sa usa ka kaugalingong mga mata. Ang autopsia mahimong mabahin sa duha ka laing mga pulong sa Greek” autos (self-kaugalingon) ug opsis (a sight – talan-awon)
Sa usa ka gitawag nga medico-legal autopsy, ang coroner (tigsusi) magpahigayon sa dako ug halapad, tibuok lawas pinaagi sa gitawag nga “Y” incision (pagdisdis) nga moabli sa tibuok atubangan sa lawas. Ang pagdis-dis magsugod sa matag bukton, paingon kini sa tunga-tunga sa tiyan, lahos ngadto sa pelvis. Ang unang kuhaon nga mga bahin sa ilawom sa lawas naglakip na ang kasingkasing, baga, esophagus, trachea.
Ang magdisdis (coroner) mokuha sa mga bahin sa lawas apil ang atay, bato, tiyan ug mga tinai. Matag makuha nga mga bahin ilawom sa lawas, susihon kini ug sulayan.
Ang labing mahinungdanon nga bahin sa lawas (genitals) sa duha, (babaye ug lalaki) susihon; kung usa ka babaye, ang uteros ug vagina tun-an pag-ayo kung aduna bay timailhan sa pagkamabdos, gilugos, o’ sa ubang matang sa pagpahimulos (sexual assault).|Edgardo Beltran
