Sa interbyu sa DXDC RMN Davao kang Daniel Aton Sayta, nidepensa kini nga hinay lang ang iyahang padagan kagabie dihang nahitabo ang bangga.
Matud niini nga nag-counterflow ug nisulod sa iyahang lane ang Kia Picanto nga gidrayban sa 20 anyos nga estudyanteng si Kristopher Lloyd Baptisma Dalangin kinsa namatay human kini nidasmag sa truck.
Nangayo kini’g pasaylo sa kabanay sa namatay nga batan-on.
Gihulat niini ang iyahang agalon para makig-settle sa pamilya.
Matud ni PSSG John Fuertes, Traffic Investigator sa Los Amigos Police Station, kasong Reckless Imprudence Resulting to Homicide and damage to properties ang atubangon sa drayber sa truck.
Gipaningkamutan pa sa DXDC Team nga makuha usab ang kabahin sa pamilya sa batan-ong namatay sa disgrasya.
RadyoMaN Aimee Guinita
