Davao Occidental – Malampusong nadakpan sa Malita Municipal Police Station ang usa ka suspek sa kasong pagpangawat atol sa hot pursuit operation nga gikasa niadtong Mayo 13, 2026 (Miyerkules) sa Brgy. Mana, Malita, Davao Occidental.
Matud sa Davao Occidental Police Provincial Office, ang suspek nailhang si alyas “Mike”, 26-anyos, laborer ug residente sa Sitio Talaud, Brgy. Ticulon, Malita, sa maong probinsiya.
Base sa inisyal nga imbestigasyon, nakadawat og report ang Malita MPS kabahin sa insidente sa pagpangawat og mga manok ug baka sa maong lugar.
Gani, gi-aksyonan kini sa kapulisan aron beripikahon ang report, sa pag-abot sa mga operatiba, nasayran nga ang suspek una nang napugngan sa barangay officials apan, nakalingkawas paingon sa wala mailhing direksyon. Tungod niini, gilunsad dayon ang hot pursuit operation.
Samtang pabalik na ang mga operatiba uban sa complainant aron mag-file sa hustong kaso, ilang nasugatan ang suspek nga nagguyod sa usa ka baka daplin sa national highway sa Brgy. Mana. Giila dayon siya sa complainant isip mao gihapong tawo nga gikatahong nangawat sa ilang mga manok hinungdan sa dayong pagkasikop niini.
RadyoMaN Bien Abanos
Matud sa Davao Occidental Police Provincial Office, ang suspek nailhang si alyas “Mike”, 26-anyos, laborer ug residente sa Sitio Talaud, Brgy. Ticulon, Malita, sa maong probinsiya.
Base sa inisyal nga imbestigasyon, nakadawat og report ang Malita MPS kabahin sa insidente sa pagpangawat og mga manok ug baka sa maong lugar.
Gani, gi-aksyonan kini sa kapulisan aron beripikahon ang report, sa pag-abot sa mga operatiba, nasayran nga ang suspek una nang napugngan sa barangay officials apan, nakalingkawas paingon sa wala mailhing direksyon. Tungod niini, gilunsad dayon ang hot pursuit operation.
Samtang pabalik na ang mga operatiba uban sa complainant aron mag-file sa hustong kaso, ilang nasugatan ang suspek nga nagguyod sa usa ka baka daplin sa national highway sa Brgy. Mana. Giila dayon siya sa complainant isip mao gihapong tawo nga gikatahong nangawat sa ilang mga manok hinungdan sa dayong pagkasikop niini.
RadyoMaN Bien Abanos
Facebook Comments
