(c) owner
Nabas, Aklan – Nakaangkon it lastro rong driver ag mga pahinante it sangka truck nga may kargang baeas matapos nga ma loss break sa paubuson nga parte it national highway kung Brgy. Tulingon, Nabas ag mahueog sa bangin kahapon.
Nakilaea rong driver kay Noel Abello, 60-anyos, residente it Camanci Sur, Numancia nga nakaangkon it sari-saring lastro sa eawas ag ro anang mga pahinante nga sanday Oliver Villegas, 33-anyos, residente it Brgy. Andagao, Kalibo ag Benjie Villanueva, 23-anyos, residente it Oyo Torong St., Kalibo hay nakaangkon man it mga lastro.
Base sa report it Nabas PNP nga maga deliver kunta it baeas ro nasambit nga mga biktima sa Brgy. Caticlan, Malay apang pag-abot sa lugar hay loss break raya ag uwa eon makontrol it driver rason nga nahueog raya sa bangin.
Samtang sa sugid mat-a ni Oliver nga sanda hay na loss break sa pakurbada nga parte ag paubuson nga parte it karsad ag may nakasubeang sanda nga motorsiklo andang gin iwasan rason nga sanda ra hay nadisgrasya.
Sa makaron hay padayon nga ginabueong rong mga biktima sa hospital.
Padayon pa man rong imbestigasyon it Nabas PNP angot sa nasambit nga insidente.
