SAN CARLOS CITY, NEGROS OCCIDENTAL – Patay ang isa ka lalaki samtang pilason ang isa pa, matapos nga ma-aksidente ang ila gina-sakyan nga de karga nga truck sa Sitio Katiclan, Brgy. Rizal, syudad sang San Carlos.
Suno sa driver si Antonio Anatan, 42 anyus sang Brgy. Dulao Bago City, nga nadulaan sang preno ang iya gina-maneho nga truck nga may karga naman nga balas.
Kaupod ni Anatan ang iya tiyo nga si Eduado Anatan, 58 anyus nga amo naman ang na-patay bangud sa aksidente.
Nahambalan pa sang driver sang iya tiyo nga mag-preparar sa sila nga duwa bangud nadulaan sang kontrol ang ila truck sa dulhugon nga bahin sang Brgy. Rizal, San Carlos City.
Nag-desisyon naman ang driver nga tumbahon nalang ang ila salakyan agud mag-pondo ini.
Bangud naman sa mabaskug nga impact nalipungan ang driver apang wala naman naka-survive ang iya tiyo matapos natabunan naman sang gina-karga nga balas./dyHB BACOLOD
