Davao City – Luwas ra ang driver sa usa ka truck nga dunay kargang soft drinks human nga natumba ang sakyanan ug nagpasad sa karsada ang mga botilya sa Km. 69, Barangay Tuboran, Mawab, Davao de Oro, alas 4 sa hapon niadtong Martes, Mayo 7, 2024.
Sa interview sa DXDC RMN Davao kang PMSg. Helenico Alaba, imbestigador sa Mawab Municipal Police Station (MPS), iyahang gisaysay nga samtang nagka-park ang sakyanan, kalit na lamang kining nawad-an og brake rason nga kini nga natumba tungod usab sa kabug-at sa karga.
“Bakilid man gud to didto. Pag-park (sa sakyanan), nikalit og atras. Wala na (nigana) ang brake. Mao tong wala niya nakontrol. Nikusog iyang atras. Mao to iyang gibangga sa kilid sa bukid,” saysay sa imbestigador.
Matud sa imbestigador, wala ra naunsa ang driver samtang nakanaug na usab ang iyang helper niadtong higayona.
Dali usab ang nakapahigayon og clearing operation ang Department of Public Works and Highways (DPWH) sa dalan human sa insidente.
RadyoMaN Kirby Manzon
Facebook Comments
