Truck yan baliskat; 12 irido

9

Dose persona el irido inclujido el tsuper del truck despues yan baliskat el truck na abahada calsada na Cacao enante aga.
Asegun na report del pulis, estaba na construction site el maga trabahador y pabolbida ya estos y mientras encamino ya na highway del Cabaluay cuando ya sosede el accidente.
Na abahada del calsada del Cacao cuando ya sapa el preno del truck y aqui el tsuper si Joben Natividad ya precura pa man mani-obra pero por el fuerza del carrera yan baliskat el truck.
Fuera con Natividad onse otro maga trabahador ya sale irido y ya conose como canda; Gary Magno, Arbi Falcasantos, Jeffrey Angeles, Rick Ibba, Jay-ar Mail, Jomarie Magallanes, Efren Magallano, Remark Francisco, John Rey Colorado, Nicko Villanueva y si Nasser Francisco.
Con el maga victima ya lleva na hospital y todo librao ya nanpeligro.

Facebook Comments

From Advertisers