*San Isidro, Isabela- *Patay sa pagamutan ang isang lalaki matapos salpukin ang sinusundang truck sa kahabaan ng Brgy. Ramos East, San Isidro, Isabela.
Kinilala ang biktima at driver ng Honda TMX 155 na may plakang WY 1601 ay si Lonesys Fernando, 29 anyos, may asawa, driver at residente ng Brgy. Dicamay I, Jones, Isabela habang ang suspek at driver naman ng Isuzu Truck Giga Tractor Head na may plakang AUA 1116 ay si Gilbert Liban, 33 anyos, may asawa at residente ng Brgy. Calamagui 2nd, Ilagan City, Isabela.
Sa nakuhang impormasyon ng 98.5 RMN Cauayan, bandang 2:30 ng madaling araw noong Marso 17, 2019 ay parehong binabaybay nina Fernando at Liban ang nasabing lansangan nang biglang masalpok ni Fernando ang likurang bahagi ng Truck.
Agad na dinala sa pagamutan ang biktima matapos magtamo ng matinding pinsala sa katawan subalit idineklara din itong dead on arrival.
Kusa namang sumuko sa mga rumespondeng pulis si Liban at siya ay dinala sa PNP San Isidro maging ang dalawang sangkot na behikulo para sa kaukulang dokumentasyon at disposisyon.
