Kapin sa 500-800 COVID-19 test tagsa ka adlaw ang gina-target sang provincial government sang Negros Occidental kun magbukas na ang Molecular Laboratory sa Teresita Lopez Provincial Hospital sa ciudad sang Silay.
Ini suno kay Provincial Health Officer, Dr. Ernell Tumimbang, matapos nga gin-accredit na sang Research Institute for Tropical Medicine (RITM) ang Molecular Laboratory sa provincial hospital agud nga maka-perform sang real-time polymerase chain reaction (RT-PCR) test para sa COVID-19 sa diin sa sulod sang isa ka oras may yara na sang resulta.
Suno kay Dr. Tumimbang, may bastante pa karun nga test kits apang ila man gina-encourage ang mga local government units nga buligan ang provincial government sa pagbakal sang dugang nga test kits sa masunod kun magtayuyon na ang testing.
Nahibaluan nga sa karun ang Negros Occidental, ang pinakauna sa Western Visayas nga may kaugalingon nga Molecular Laboratory sa diin ang provincial government mismo ang magapadalagan kag nagapanag-iya.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
