Usa ka tugboat ang nasangad diha sa kadagatan sa South Road Properties (SRP) kaganinang buntag .
Ang Cebu Coast Guard Station Commander nga si Jerome Cayabyab nibutyag nga ang tugboat nagbitad ug barge nga gikargahan ug scrap metal ug dalhon sa dakbayan sa Mandaue.
Ang tugboat adunay 10 ka mga tripulante apan luwas ra hinoon , dihang nasangad sila sa mabaw nga bahin sa Lawis ledge , vicinity sa Talisay City ug SM Seaside City .
Matud ni Cayabyab alas 7:30 nanawag kaniya si Konsehal Dave Tumulak aron ipahibawo ang maong insidente .
Ang kompaniya sa tugboat nagpada na ug laing tugboat aron morescue niini .
Imbistigaron sa Cebu Coast Guard ang hinungdan sa pagkasangad sa maong tugboat.
Facebook Comments
