BACOLOD CITY – Good news para sa mga estudyante sang Bacolod City College ukon BCC ang nangin pahayag ni Mayor Evelio ‘Bing’ Leonardia nga wala sang may matabo nga tuition fee increase sa amo nga eskwelahan.
Ang pahayag sang alkalde ang may kaangtanan naman sa pagsaulog sang BCC sang ila sini ika-20 ka tuig nga founding anniversary.
Suno kay Mayor Bing nga ang BCC naka produce sang madamo nga graduates nga nangin topnotcher naman sa madamo nga mga board examinations.
Nahibaluan nga sa karon ang tagsa ka unit sa BCC ang yara gid lamang nagapabilin sa P30 pesos.
Sa pihak nga bahin, kapin sa 14 tanan ka pares ukon couple ang ginkasal ni Mayor Bing Leonardia sa ginpatigayon nga mass wedding sa isa ka barangay diri sa Bacolod.
Sa amo nga seremonya nga ginpatigayon sa Brgy. Handumanan, ang alkalde gin-updan sang mga barangay officials kag city councilors sa pagkasal sa amo nga mga pares./dyHB BACOLOD
