Hello there mga idol, it’s your Dj Maikee Gol alang sa atoang TRAVEL GOLS karong adlawa, Agosto 17, 2018. Karong adlawa akoang ipaambit ninyo ang usa sa akoang paborito nga isla sa atoang lalawigan. Mao kini ang Tulang Diot o Tulang Island.
INAMPINGAN SA CAMOTES
Kining maong isla usa ka Sitio Island sa Barangay Esperanza nga sakup sa lungsod sa San Francisco. Dinhi pud sa maong lungsod nahimutang ang mga sikat nga beaches sa Camotes nga mao ang Santiago White Beach, Mangodlong Rock Resort, Bakhaw Beach ug daghan pa. Dinhi pud nahimutang ang sikat nga Timubo Cave ug Lake Danao.
Sa dihang gikusokuso ang nasud sa bagyong Yolanda, gidala sa mainland San Francisco ang gatosan nga lumulopyo sa Tulang Diot. In fact, zero casualty o zero injury ang natala nga hinungdan sa bagyo. Apan grabe ka-devasted ang maong sitio island.
SIKAT NA
Apan karon, nahimo na nga sikat ug usa sa mga frequented nga tourist spots sa Camotes Island ang maong gamayng isla. Sa mga gustong muadto, pahatod lang sa Barangay Esperanza, usa kini ka fisherman’s village. Nahimutang kini sa may Northern area. Anaay mga bangka nga pwedeng rentahan gikan Php 800 – 1,500 depende sa gidak-on. Naa rapoy regular nga mga biyahe padung sa Tulang Diot kung diin naa between Php 20.00 to 50.00 ang bayad matag tawo.
Matuyok ra ang Tulang Diot sud sa 30 hangtud sa 45 minutos. Anaa puy nindot nga beach area kung diin puti kaayo ang bas ug mala Camuiguin ang feels. Nga naay dagkong bungtod nga mamahimong background samtang mahulagwayan ang bas ug dagat nga nag-separate sa Tulang Diot sa mainland San Francisco.
AMPINGAN TA
Hinaot pa nga kung mubisita mo sa Camotes Island mga idol, inyohang apilon sa inyong itinerary ang Tulang Diot sa San Francisco. Di gyud kamahayan! Apan hinaot pa nga atoang ampingan dili lang ang kining islaha apan ang tanan nga mga tourist spots sa Cebu province nga atoang masuroyan.
