[image: IFM 919 Logo (1).jpg]
Naghimas rehas na sa presinto sa kapolisan ang tulo ka mga lalaki nga nadakpan tungod sa reklamong nagsige og duwag hantak sa may Balimbing Street, Barangay Dadiangas North ning siyudad sayo sa buntag.
Giila sa Pendatun Police Station 1 ang mga suspek nga silang Romil Pacatang, 42 anyos, balo, dispatcher ug reisdente sa Silway Fatima, Brgy. Dadiangas West; Ronald Lumerosa, 24 anyos, ulitawo, residente sa Prk. Saludin, Brgy. Labangal ug Romeo Valeria, 46 anyos, minyo, tricycle driver og residente sa New Society, Brgy. Apopong.
Mismong mga barangay tanod og ilang supervisor nga pulis na si SPO2 Bimbo Lavador ang nagdala sa mga suspek human nga nadakpan sa aktong nagduwag hantak o kara y kruz atubangan sa internet shop.
Gamit matod pa sa mga nahisgutan ang sementong salog kung asa narekober sab ngadto nila ang duha ka toss coins ug sugal nga salapi anaa sa four hundred seventy pesos.
Paylan ang mga suspetsado pinaagi sa gihikay nga kaso sa kapolisan.
Atubangon sa mga nahisgutan ang kasong pagsupak sa Presidential Decree 1602 nga dunay dakong pyansa gitagana alang sa ilang kaso.
