[image: IFM 919 Logo (1).jpg]
Gikustodiya na karon sa presinto sa kapolisan sa Bula ang drayber sa traysikel nga nahilambigit matod pa sa drag racing tungang gabie sa Alunan Bagsakan, Barangay Bula.
Giila ang nahisgutan sa pangalang Rasid Mamalinta Bunsalagam, 25 anyos, minyo, drayber sa traysikel ug residente sa Prk. 7, Sto. Nino, Barangay Appong.
Matod sa kapolisan nalambigit sa drag racing ang nasangpit na giaresto human nga mipasutoy og padagan aron makasibat tungod gigukod sa mga pulis sakay og patrol car.
Nasayran sa report sa kapolisan nga mibusina gamit ang mobile siren apan gibaliwala lamang kini sa drayber og nagpagukod.
Kadugayan nadakpan gihapon ang drayber human nibalintong sa dalan ang traysikel niini og nalagpot ang drayber gumikan sa kakusog sa pagpadagan niini.
Nakaangkon og samad ingon man bun og sa lawas ang drayber kung asa mag atubang sa tukmang kaso na giandam sa kapolisan.
Gikustodiya na sab sa kapolisan ang tricycle unit nga gamit sa suspek na usa ka Kawasaki Bajaj na walay plaka.
