Suportado ni Misamis Oriental Gov. Yevgeny Emano ang sugyot ni Presidente Rodrigo Duterte atol sa iyang ikaupat nga SONA niadtong Lunes nga kinahanglang paspasan ang pag-proseso sa tanang transaksyon sa matag probinsya, lungsod ug dakbayan.
Gibutyag sa gobernador nga dili angay langanon ang mga papeles sa matag transaksyon ilabina sa ayudang pinansyal, livelihood program ug bayrunon sa mga supplier.
Mahinumduman nga nalakbitan sa presidente ang rason nganung gakadugay ang paghatag sa gikinahanglang papeles tungod kay dunay pipila nga gahulat sa kwarta nga ihatag sa mga kliyente isip bugti sa ilang gakuhaon nga dokumento.
Kampante usab ang gobernador nga bisan wala pa kini gisulti sa presidente, daan na kining gipatuman sa provincial government sa Misamis Oriental.
