Dakpan ang tulo ka babaye sa gihimong buy bust operation alas 2:30 sa hapon gahapong adlawa sa CITIMALL, Barangay Iponan ning siyudad.
Ang maong joint operasyon giunhan ni PSI Excyllo Alcantara sa CDEU ug elemento sa PDEA-10.
Ang mga dinakpan mao silang Mary Claire Mipranum alyas Claire Saripada, 20 anyos, Almira Ali, 43 anyos nga parehong naa sa drug watchlist sa PNP ug si Sittie Hadji, 18 anyos nga taga Vamenta, Barra Opol, Misamis Oriental.
Nakuha sa ilang posisyon ang upat ka sachet sa shabu nga gibana-banang nagtimbang sa 20 grams ug dunay market value nga mokabat sa 148 mil pesos.
Nadakpan ang mga suspek human mapalitan og shabu si Claire Saripada gamit ang one thousand pesos nga marked money.
Ang tulo ka mga suspek detinado karon sa Maharlika Detention cell samtang giandam ang kasong pagsupak sa Republic Act 9165 o Dangerous Drugs Act of 2002.
Gidala na usab ang mga nakumpiskang shabu sa PNP crime laboratory alang sa dugang eksaminasyon.
