Tulo ka bag-ong pasyente ang na-admit sa Northern Mindanao Medical Center kon NMMC samtang usa sa tulo ang namatay.
Matud ni Dr. Bernard Rocha, Medical Specialist II sa NMMC nga kini nga mga pasyente gitakboyan sa sintomas sa Corona Virus.
Lakip sa na-admit sa NMMC ang usa ka 22 anyos nga babayeng taga Cagayan de Oro nga gitakboyan sa Community acquired pneumonia ug usa ka 60 anyos nga lalaki nga dili taga Cagayan de Oro nga gitakboyan gihapon sa Community acquired pneumonia ug hypertension.
Hino-on stable ang kahimtang sa maong mga pasyente.
Samtang ang ika tulong bag-ong na-admit sa NMMC apan namatay, ang usa ka 18 anyos nga babayeng taga Cagayan de Oro tungod sa iyang Complicated Urinary Tract Infection kon UTI ug high risk community acquired pneumonia.
Gidugang ni Dr. Rocha nga ang maong pasyente namatay human milabay ang duha ka oras sa pagka admit sa NMMC nga kon diin ang maong pasyente unang na-admit sa J.R. Borja General Hospital.\
-o0o-
