Gisikop sa kapulisan ang tulo ka mga batan-on human napalitan og druga sa kapulisan sa Cogon ning syudad kaganihang kadlawon.
Unang nasikop mga alas 3:40 sa kadlawon ang duha ka 17 anyos nga taga Barangay 18 ug taga Barangay Nazareth ning syudad.
Nasikop ang duha ka menor de edad sa Pabayo / Hayes Streets, Barangay 3 diin nakuha gikan sa mga suspek ang upat ka heat sealed transparent plastic cellophane nga dunay sulod marijuana ug 300 pesos nga buy bust money.
Samtang alas 4:30 sa kadlawon nasikop usab ang 18 anyos nga si Samuel dela Peña nga taga Mendoza Compound, Barangay Patag.
Nakuha gikan kang dela Peña ang tulo ka heat sealed transparent plastic cellophane nga dunay sulod gituohang shabu ug 500 pesos nga marked money.
Facebook Comments
