Lusot na sa quarterfinals ang tulo ka kagay-anong boksidor human gipildi ang mga kontra sa nagpadayong First Thailand Open International Boxing 2018.
Kini mao silang Carlo Paalam, Marvin Tabamo ug Sugar Rey Ocaña.
Matud ni Team Cdeo boxing team head coach Elmer Pamisa nga malampusong naka-abante sa sunod nga round ang tulo ka boksider human ilang napildi ang mga boksidor gikan sa Japan ug Chinese Taipei.
Gidugang ni coach Pamisa nga makaatbang ni Paalam sa quarterfinals sa 46-49 category mao si Samak Saehan sa Thailand.
Makontra ni Tabamo si Kim Inkyu sa South Korea sa 52kgs samtang makontra ni Ocaña si Tay Jia Wei sa Singapore.
Nasayran nga ang tulo ka kagay-anong boksidor puros miyembro na karon sa Philippine National boxing team.
Source: CIO
PC: Coach Elmer Pamisa
