Temporaryong gi-detain sa Maharlika Detention cell ang tulo ka mga lalaking nasapon sa aktong illegal nga nanabong kagahapon sa udto sa Ampana, Macanhan, Carmen.
Kini human sa gihimong anti-illegal gambling operation sa Intelligence Operatives sa Police Station 4, Carmen nga giunhan sa ilang hepe nga si Police Major Ian Borinaga.
Didto nadakpan silang Dennis Radaza, 41 anyos, minyo nga taga Creekside, Macanhan ug Juanito Balangiao, 50 anyos, minyo nga taga Zone 9, Cafas, Macanhan ug Sandy Murtos, hingkod ang edad nga taga Ampana, Macanhan.
Nakuha sa area ang bet money nga mokabat sa 400 pesos ug usa ka manok panabong.
Sa karon, giandam na ang kasong ipasaka batok kanila.
Facebook Comments
