Giturn-over sa Enhanced Comprehensive Local Integration Program (E-CLIP) Committee ang tulo ka mga armas nga gisurender sa mga kanhi rebelde nga mitahan balik sa malinawong pamuyo ngadto sa mga kasundaluan sa 403rd Brigade, Philippine Army nga nakabasi sa Malaybalay City, Bukidnon.
Gilangkuban ang maong giturn-over nga mga armas sa usa ka M16 rifle, usa ka 38 revolver, ug usa ka M203.
Gikan sumala pa sa mga kanhi rebelde nga misurender sa kasundaluan ang maong mga armas nga kanhi sakop sa Platoons IPAD ug Buhawe nga nag-operar sa Southern Regional Committee (SRC)-4 sa mga utlanan sa Lanao Del Sur ug Bukidnon.
Gihimo ang pagturn-over sa mga armas atol sa gipahigayon nga 2nd Quarter Joint Meeting sa Provincial Peace and Order Council (PPOC) ug Provincial Anti-Drug Abuse Council (PADAC).
Facebook Comments
