Padayon pang giatiman sa mga doktor sa City Hospital ang duha ka mga biktima sa pagpangdunggab human kini maka angkon ug samad sa pipila ka parte sa lawas niini,
Ang mga biktima, nailang si brendon francis colito, 19 anyos single, zamora st, poblacion kinsa naka angkon ug samad sa li-og ug si Joshua Berso, 21 anyos single, nga taga prk 13 canaway sakop sa barangay tibanga, ning dakbayan sa Iligan.
Matud pa sa mga biktima, nga bandang alas 3:55 ang takna sa kadlawon , samtang anaa sila sa usa ka burgeran sa may ilaya, sakop sa poblacion aron nga mangaon , kalit lang silang gidunggab sa wala mailang suspetsado.
Dugang pa niini, nga igo lang sila nagutana sa maong lalaki kung naka ila ba sila sa pangalang HANZ, apan kalit lang silang gidunggab gamit ang malantip nga hinagiban.
Naka angkon ug samad sa bukton ug pipila ka parte sa lawas ang mga biktima nga daling gidala sa balay tambalanan.
Samtang bandang alas 4:55 ang takna karon adlawa, laing pagpandunngab sab ang nahitabo sa may barangay mahayahay diin biktima nadala usab sa balay tambalanan.
Biktima nailang si Raphael Cantilla Jr. 24 anyos taga Brgy. Maria Cristina ning dakbayan sa Iligan.
Matud pa, nga ang maong lalaki involve kini sa nahitabong rambol sa may Ilaya, diin naka angkon kini ug samad sa iyang dughan ug anaa sa kritikal nga kondisyon.
Gipanghimakak niini, nga may kalabutan siya sa nahitabong pagpanunggab sa duha ka mga batan-on, apan kusganong gitudlo sa duha nga siya maoy nanguna ug posible nga may kalabutan sa maong panghitabo.
Padayon ang imbestigasyon sa kapulisan labot sa maong isidente,
