General Santos City–2 patay samtang 3 ang nadala sa Tambalanan sa Maitum, Sarangani Province dihang na- suffocate human natrapped sulod sa bangag nga iyaha sa usa ka small mining company nga nahimutang sa Sitio Banawag, Barangay Tablao, boundary sa lungsod sa Kiamba ug Maitum, Sarangani Province niadtong Sabado sa hapon, Sept. 17, 2017.
Mga biktimang namatay giilang silang si Eleazer Marquizo ug Nelson Pastrana, pulos residenti sa Barangay Malandag, Malungon Sarangani Province. Samtang naadmitar sa Maitum Municipal Hospital ang biktimang si Danilo Marquizo residenti gihapon sa Barangay Madlandag human nakasinati ug Hypothermia.
Samtang nadala usab sa ospital ang duha ka mga rescuers nga silang Yan-Yan Ungat, legal age, minyo , ug Marvin Ilao, 19, single, pulos residents sa Brgy New La Union, Maitum human nakasinati ug sakit sa ulo.
Subay sa report sa Maitum Police Station nga sila nakadawat ug impormasyon nga matud pa dunay mga tawong natrapped sulod sa minahan mao nga gilayong girespondihan. Sila nangayog ayoda ngadto sa BFP Maitum aron mapadali a ng rescue operation. Gilayon nga gidala sa ospital ang mga biktima apan duha kanila ang nakabsan gyud ug kinabuhi.
Photo Credit to BFP Maitum
