Detinado karon ang tulo ka suspetsadong carnapper ning dakbayan nga silang Randy Asilan, 21 anyos ug ang magsuong Robert, 24 anyos ug Sunny Sundulan, 27 anyos nga taga-Sitio Dagundalon, Talakag, Bukidnon.
Matud ni PO1 Yohan Piloton sa Carmen Police Station nga miduol sa ilang buhatan ang biktimang tag-iya sa motorsiklo hinungdang ila gilayon kining gialarma sa ubang buhatan sa kapolisan.
Apan nadiskobre ang mga suspek sa lalawigan sa Bukidnon hinungdang gihimo gilayon ang operasyon, nga miresulta sa pagkasikop sa mga suspek.
Giangkon usab ni Asilan nga ilang gikarnap ang motor sa biktimang habal-habal driver apan gipanghimakak niini nga notado sila nga grupo sa mga carnapper.
Tungod niini, kasong carnapping ug paghupot sa illegal nga druga ang giatubang nga kaso sa tulo ka suspetsado human kini nakuhaan sa ilang posisyon sa tulo ka sachet sa shabu.
By: RadyoMaN Ellah Baculio
PC: RadyoMaN Jao Gumapac
