Nasikop sa kapulisan sa Gingoog City sa managlahing operasyon kagahapong adlawa ang tulo ka wanted persons.
Unang nasikop mga alas 10 sa buntag sa Purok 3, Barangay Lunao, Gingoog City ang usa ka 19 anyos.
Ang suspek nailang si Alexander Timtim Manalo taga Purok 3, Barangay San Juan, Gingoog City.
Si Manalo, nag-atubang sa kasong pagpangawat.
Alas 11 sa buntag kagahapong adlawa nasikop ang ikaduhang wanted person sa Purok 3, Barangay Ricorro, Gingoog City.
Ang suspek mao ang 29 anyos nga si Jovanne Elardo Rambuyon, minyo ug taga Purok 3, Barangay Ricorro.
Si Rambuyon nag-atubang sa kasong grave oral defamation.
Ikatulong wanted person nasikop mga alas 5:30 kagahapon sa hapon sa Purok 6, Barangay 18-A, Gingoog City.
Ang suspek mao ang 49 anyos nga si Anthony Lloren, minyo ug nagpuyo sa nasangpit nga dapit.
Si Lloren nag-atubang sa kasong child abuse.
