General Santos City— Balhog sa lock-up cell sa Tambler Police Station ang tulo ka mga suspek human nga maaktuhan nga nagpahigayon ug pot session panahon sa curfew hours.
Subay sa impormasyon gikan sa kapulisan, alas 9 pasado ang takna sa gabii dihang nagpahigayon ug patrolya ang otoridad sa purok Lansong, Brgy. Tambler dihang madakpan ang tulo ka suspek nga silang Benjie Cabarubias Bragas, 34 anyos nga residente sa Durian St. brgy. Calumpang ning dakpan, Andrea Khate Cabucos, 21 anyos nga residente sa Prk. 20, brgy Fatima ug Joemar Manigo Melana, 30 anyos nga taga Tupi, South Cotabato.
Ang mga nasangpit ang anaa matud pa sulod ausa ka nakaparadang truck dihang nagpahigayon ug pot session, nakuha gikan sa ilahang posisyion ang mga empty sachet nga may mga residue sa gituuhang shabu ug paraphernalia.
Kasong pagsupak sa Sec. 12 ug 15 sa RA 9165 ang atubangon sa mga dinakpan.
(picture for illustration)
