Sa 207 ka pangan sa mga kasamtangan ug kanhi opisyales sa barangay nga gilambigit sa operasyon sa ilegal nga drugas , tulo niini ang gikan sa Sugbu .
Ang Philippine Drug Enforcement Agency kon PDEA Director General nga si Aaron Aquino nipagawas na sa 207 nga pasiunang mga pangan sa giingon nga narcopolitician gilan sa lain laing barangay lukop nasud.
Sa maong listahan 90 ang mga barangay kapitan ug 117 ang mga kagawad .
Ang tulo nga nanganlan gikan sa Sugbu mao sila si Mark Ferdinand Bas sa Lagtang Talisay kanhi barangay kapitan ;Bibiano Cabaron sa Palanas lungsod sa Ronda ,kanhi barangay kapitan apan karon konsehal sa Ronda; ug Ramonette Durano sa Suba Danao City , kanhi barangay kapitan apan karon PIO sa syudad .
Subay niini gipasalig ni Police Regional Office -7 director Chief Supt. Robert Quenery nga dili gamitong target list sa kapolisan ang listahan nga gipagawas sa PDEA, tungod ka yang DILG mao man ang mopasaka ug kaso batok kanila .
