BACOLOD CITY – Nagpadulong sa etasyon sang pulis ang isa ka dalaga agud ipa blotter ang nakaupod niya nga pasahero sa jeep nga lalaki nga nagtulok sa iya nga may malisya sa area sang Gonzaga Libertad Street, Bacolod City.
Suno sa biktima nga tawgon talang kay Jane, 21 anyos ang edad, dalaga kag pumuluyo sang Brgy. Banago nga mga las 10:50 kahapon sang aga, nagsakay ini siya sa jeep nga may biyahe Banago-Libertad.
Durante nga nagadalagan ang jeep, namutikan sang dalaga nga ini siya ang ginatulok sang isa ka lalaki nga pasahero nga yara sa iya atubang.
Nagapati ang dalaga nga daw ginahublasan siya sang amo nga lalaki bangud nga ini siya ang nagasuksok sang palda ukon skirt.
Ginkulbaan ang dalaga bangud nabatyagan sini nga ang tulok sa iya sang amo nga lalaki ang may yara na sang ginatawag nga “sexual desire.”
Dali-dali nga nagpanaug sa jeep ang amo nga babayi, apang nakibot siya nga nagpanaug man ang lalaki kag ini siya ang ginsundan.
Nagdugang pa gid ang kakulba sang biktima suno sa iya bangud nakita sini nga may gina-uyatan nga handle sang floor mop ang suspek.
Bangud sini, nagpadulong sa Police Station 1 ang biktima agud nga magparecord sang natabo sa iya apang wala nya naman nakilala ang amu nga lalaki. /dyHB BACOLOD
