BACOLOD CITY, NEGROS OCCIDENTAL – Naeksperiensyahan sang mga pasahero sang fastcraft nga Ocean Jet kag Weesam ang tuman ka laba nga pila kaina sang aga ilabi na sa first trip sa diin ang iban mahingagaw pa sa ila mga opisina kag klase.
Suno kay Philippine Coast Guard ang pagdagsa sang mga pasahero subong nga adlaw bangud man sa pag-cancel sang byahe sang fastcraft kag RORO padulong sa Iloilo kahapon bangud man sang bagyong Agaton.
Ginpahayag ni PCG-Bacolod Head – Lt. Senior Grade Jimmy Oliver Vingno ang malaba nga pila ang tuga sang nagdinaguso nga pasahero nga nagkuha sang tickets sa mga ticket booth kag passenger terminals.
Samtang, ginpabutyag ni Vingno nga dapat likawan naman sang mga mananagat ang pagpangisda sa direksyon padulong sa Palawan bangud nga wala naka-gwa ang bagyo sa Philippine Area of Responsibility.
Samtang, nagapasalamat naman ang Philippine Coast Guard bangud sa zero maritime incident ang Negros Occidental sang naglaslas si Bagyong Agaton kag wala man sang gin-report nga na missing mga mangingisda./Photo by Larry Trinidad/RMN
